“Ан-Насср” “Ал-Ҳилол” билан дуранг ўйнади. Роналдудан голсиз серия

Саудия Арабистони чемпионатининг 32-туридан ўрин олган “Ан-Насср” ҳамда “Ал-Ҳилол” жамоалари ўртасидаги турнинг марказий учрашуви бўлиб ўтди. 

Учрашувнинг 1-дақиқасида мезбонлар вакили Эдмилсон ҳисобни очди. Биринчи бўлим “Ан-Насср” устунлигида якунига етди. 
Иккинчи бўлимда ҳар икки дарвоза олдида хавфли вазиятлар юзага келди. Аммо учрашувнинг асосий дақиқалари сўнгигача ҳисоб ўзгармади. Ҳакам томонидан қўшиб берилган дақиқаларда “Ал-Ҳилол” пенальти тепиш ҳуқуқига эга бўлди. 11 метрлик нуқтага яқинлашган Митрович мўлжалда адашмади.

Шу тариқа “Ан-Насср” қўшиб берилган дақиқаларда урилган гол сабаб ғалабадан қуруқ қолди. 

• Қизиқарлиси, “Ал-Ҳилол” чемпионатда мағлубият нималигини билмай келмоқда. Бу клубнинг учинчи дуранги ҳисобланади. Жамоа қолган 29 ўйинда рақиблар устидан ғалаба қозонган. 
• Ушбу ўйинда Роналду ўз ҳисобига гол ёзиб қўя олмади. Бу португалиялик футболчининг “Ал-Ҳилол” билан тўртинчи тўқнашуви. Роналду 4 учрашувдан буён “Ал-Ҳилол” дарвозасига йўл топа олмаяпти.