Исроил аскарлари 21 май куни Ғазо сектори жанубидаги Рафаҳ шаҳри яқинида жойлашган Ябна қочқинлар лагерига ҳужум қилиши оқибатида 5 нафар фаластинлик ҳалок бўлди. Бу ҳақда Al Jazeera нашри хабар берди.
Фаластиннинг WAFA нашри Исроил ҳужумини тасдиқлаган. Ҳаво кучлари лагернинг турли исмларига серияли ҳужум уюштиргани хабар қилинган.
Расмийлар ҳужум оқибатида 5 нафар фуқаро ҳалок бўлганини билдирган. Бир нафар фуқаро ўта оғир даражадаги тан жароҳати олиб, шифохонага олиб кетилган.
Ҳалок бўлган беш нафар шахснинг 3 нафари вояга етмаган болалар экани айтилган. Болалар кучли қон йўқотиш ва тана аъзоларининг кучли даражада эзилиши оқибатида вафот этган.
Бир қанча Яқин Шарқ манбалари Исроилнинг Ғазодаги турли нуқталарга берган зарбалари оқибатида яна 8 нафар шахс ҳалок бўлганини ёзган. Ҳужумлар Рафаҳдан кўчирилган фуқаролар жойлаштирилган гуманитар зоналарда ҳам амалга оширилган.
Изоҳ (0)