Россияда армияга сафарбарлик марказига ўт қўйишга уринган фуқаро 25 йилга озодликдан маҳрум қилинди. Бу ҳақда The Moscow Times нашри хабар берди.
Манбада айтилишича, Сибирнинг Новосибирск шаҳрида яшовчи дастурчи муҳандис Илья Бабурин ҳарбий хизматга чақирув бўлимига ўт қўйишга уринганликда айблаб, озодликдан маҳрум қилинган. Суриштирув давомида айбдор 2022 йилнинг сентябрида Новосибирскдаги мусиқа мактабга ҳам ўт қўйгани маълум бўлган.
Илья Бабуринга расман террорчиликда айбланмоқда. Расмийлар унинг Украина ҳукуматига бўйсунувчи Азов полкидан буйруқ олганини тасдиқлаган.
Бабуринга давлатга хиёнат айблови ҳам қўйилган. Шарқий ҳарбий гарнизон суди уни айбдор деб топиб, айбдорга 25 йиллик ҳукм тайинлаган.
Илья Бабурин ўзига нисбатан қўзғатилган ишни “бемаънилик” дея қоралаган. Терроризм ва давлатга хиёнат қилиш айблови ўрнига зўравонлик айби билан судланиши кераклигини таъкидлаган.
Изоҳ (0)