Amazon МGM Studios, Prime Video ва Sony компаниялари томонидан Marvel комикслари асосида “Ўргимчак одам: Нуар” сериали суратга олинади. Бош ролни “Оскар” мукофоти совриндори Николас Кейж ижро этади.
“Биз иқтидорли актёр Николас Кейжнинг ушбу сериалда бош қаҳрамонни гавдалантиришидан жуда хурсандмиз. Ҳеч ким Николасдек ушбу мураккаб персонажнинг характерини очиб бера олмас ва дардларини ифодалаб беролмас эди”.
Кетрин Поуп, Sony Pictures Television Studios президенти
Сериал устида 2023 йилнинг иккинчи чорагидан бошлаб иш олиб борилмоқда. Ғоя Орен Узил (Мортал Комбат) ва Стив Лайтфут (Ганнибал)га тегишли бўлиб, улар ижрочи продюсер сифатида фаолият кўрсатмоқда. Дастлабки иккита эпизод Арри Бредбир режиссёрлигида суратга олинади.
Сериал премьерасининг санаси ҳозирча эълон қилинмаган.
“Ажойиб иқтидор эгаси бўлган Николас Кейж бизнинг янги супер қаҳрамонимиз учун мукаммал танловдир. Тажрибали продюсерлик жамоаси эса ушбу сериални профессионал тарзда ишлаб чиқишига ишонамиз”.
Вернон Сандерс, Amazon МGM Studios телевидение бўлимининг раҳбари
“Ўргимчак одам: Нуар” комикси ўргимчак одамнинг умуман бошқа характерли — ёвуз ва қўрқинчли улғайган инсон сифатида кўрсатади. Сюжетга кўра, сериалда 1930 йиллар ҳақида ҳикоя қилинади. Нью-Йорк шаҳрида яшовчи кексайиб бораётган, кўплаб омадсизликка учраган детектив ўзининг ўтмиши — шаҳарнинг ягона супер қаҳрамони билан юзлашади.
Аввалроқ Николас Кейж “Ўргимчак одам: коинотлар бўйлаб” анимацион фильмида бош қаҳрамонга овоз берган.
Изоҳ (0)