Сурхондарё вилояти Денов туманида ота алимент ўрнига икки фарзанди учун уй қуриб берди. Бу ҳақда МИБ ахборот хизмати “Дарё”га хабар берди.
Мажбурий ижро бюроси Денов туман бўлими иш юритувида бўлган ижро ҳужжатига кўра, туманнинг “Ёшлик” маҳалласида яшовчи Ж.Ч. 2009 йил ва 2011 йилда туғилган икки нафар фарзанди учун 2013 йилдаги суд буйруғига асосан алимент тўлаб келаётган бўлса-да, фарзандлари учун уй қуриб беришни хоҳлаган.
Алимент тўловчи ота қурилиши давом этаётган 5 хонали уйни собиқ турмуш ўртоғи билан ўзаро келишган ҳолда фарзандлари номига расмийлаштириб берди. Ҳужжатлар нотариал тартибда расмийлаштирилгандан сўнг, ижро ҳужжати белгиланган тартибда муддатидан олдин тугатилиб, Ж.Ч.га нисбатан қўлланган барча чеклов чоралари бекор қилинди.
Изоҳ (0)