Норвегия ташқи ишлар вазири Эспен Барт Эйде БМТ раҳбариятини Фаластинни ташкилотга қабул қилишга чақирди. Бу ҳақда Ғарб манбаларига асосланиб, Anadolu нашри хабар берди.
Манбада айтилишича, Эспен Барт Эйде Норвегия раҳбарияти БМТ Бош ассамблеясида Фаластинни қўллаб овоз беришни режалаштираётганини, Фаластиннинг ўз овозига эга бўлиш йўлидаги курашини қўллаб-қувватлашини маълум қилган.
“Норвегия Фаластиннинг БМТга тўлақонли аъзолик мақомини олиш ҳақидаги аризасини қўллаб-қувватлашини ва Бош ассамблеяда овозга қўйиш куни уни ёқлаб овоз беришини очиқ-ойдин маълум қилади”, — дейилади Норвегия ташқи ишлар вазири баёнотида
Ҳозирга қадар Фаластиннинг БМТга қабул қилинишига АҚШ, Исроил, Венгрия, Аргентина, Микронезия, Науру, Палау ва Папуа-Янги Гвинея каби мамлакатлар қарши чиққан. Бирлашган Араб Амирликлари бошчилик қилган резолюция кўпчилик томонидан қўллаб-қувватланиб, 143 аъзо давлат уни ёқлаган. 9 давлат қарши ва 25 мамлакат бетараф позиция эълон қилган.
Фаластин вакиллари БМТ Бош ассамблеяси томонидан маъқуллангандан сўнг БМТнинг турли қўмиталари таркибига сайланиши мумкин. Эйденинг сўзларига кўра, овоз бериш Фаластиннинг БМТга тўлақонли аъзо бўлиши ва икки давлат ечими кенг миқёсда қўллаб-қувватлаётганини акс эттирган.
Изоҳ (0)