Ўт пуфагидаги тошлар деганда ўт пуфагининг ўзида ёки унинг йўлларида тўпланган овқат ҳазм қилиш суюқлигининг қуюқлашиши ва кейинчалик қаттиқлашишига айтилади. Mayo Clinic шифохонасининг бош жарроҳи, доктор Ирвинг Хорхе тошларнинг пайдо бўлишидан дарак берадиган асосий аломатларни санаб ўтди.
Касаллик аввало бўйин, икки елка ўртаси, жигар соҳасида оғриқлар билан намоён бўлади. Қорин бўшлиғида ҳам кучли санчиқлар кузатилади. Ўт пуфагида юзага келган оғриқларга кўпинча ёғли таомлар сабаб бўлади. беморнинг кўнгли айниши, қусиши, оғзида аччиқ таъм сезиши, териси бир оз сариқ тусга кириши ҳамда тана ҳарорати кўтарилиши мумкин.
Шифокорнинг фикрига кўра, ўт пуфагида қуйқалар йиғилиши ва кейинчалик улар тошларга айланишига нотўғри овқатланиш тартиби сабабчидир. Кўпроқ ўсимлик толасидан ташкил топган диета ва паст холестеринли овқатланиш тартиби тошларнинг пайдо бўлиш хавфини камайтиради.
Афсуски, ўт пуфагидаги тошларни эритиб бўлмайди ва уларни олиб ташлаш учун жарроҳлик амалиётини бажариш талаб этилади.
Ўт пуфагисиз инсонлар кўп йиллар давомида яшай олиши мумкин. Касалликка чалиниш хавфи юқори бўлганлар сафига ирсий мойиллиги бўлган одамлар, аёллар, қариялар ҳамда камҳаракат ҳаёт тарзини олиб борувчилар киради. Шунинг учун балансли овқатланиш, қорин бўшлиғи билан боғлиқ касалликларни ўз вақтида даволаш ҳамда тана вазнини нормада сақлаш ўт пуфаги касалликлари профилактикасида муҳимдир.
Изоҳ (0)