Ўзбекистон ташқи ишлар вазири Бахтиёр Саидов Беларусь президенти билан учрашув ўтказди. Бу ҳақда вазирнинг Telegram каналида маълум қилинди.
Хабарга кўра, Минскда ўтказилган учрашувда вазир Беларусь етакчисига Шавкат Мирзиёевнинг самимий саломини етказган.
Дўстлик ва ўзаро ҳурматга асосланган ҳамкорлигимиз кун тартибининг барча жабҳаларида жадал ривожланиб бормоқда. Ўзбекистон ва Беларусь ташқи ишлар вазирликлари олий даражада эришилган келишувларни амалга ошириш учун барча имкониятларини ишга солади, — дейилади хабарда.
Эслатиб ўтамиз, февраль ойида Александр Лукашенко расмий ташриф билан Ўзбекистонга келганди. Музокаралар якунида 2024—2025 йилларда Ўзбекистон ва Беларусь ўртасидаги ҳамкорликни ривожлантириш бўйича чора-тадбирлар режаси имзоланганди.
Изоҳ (0)