Доғистонда вояга етмаган бола мураббийи томонидан калтакланди

Доғистонлик мураббий мусобақада мағлубиятга учраган шогирдини калтаклади.

Воқеа Оренбург вилоятида ўтказилган кураш бўйича Бутунроссия мусобасида юз берган. “CHP Kavkaz” телеграм каналида мураббийнинг болани тепаётгани акс этган видео пайдо бўлди. Қайд этилишича, жабрланувчи мураббийнинг жияни бўлган. 

Ҳуқуқ-тартибот идоралари воқеа тафсилотларини ўрганмоқда. Доғистон спорт вазири ушбу воқеага изоҳ берди.

“Бу ўзини мураббий сифатида синаб кўришга қарор қилган мулкдор бўлиб, унинг шогирдлари асосан ўзининг қариндошлари ва дўстларининг фарзандлари. У бундан аввал ҳам машғулот ва мусобақаларда болаларга нисбатан худди шундай зўравонлик ҳаракатларини қўллаганини эшитдим. 

Спортчининг мағлубиятига бундай муносабат билдиришга, куч ишлатишга ҳеч кимнинг ҳаққи йўқ. Ҳатто, тарбия мақсадида ҳам.

Унинг руҳий ҳолатини текшириш зарур. Ҳуқуқ-тартибот идоралар аллақачон ушбу ҳодиса устида ишлаётганини маълум қилмоқчиман. Бу одам бошқа ҳеч қачон ҳеч қандай спорт залида болалар билан ишламайди”, — дейди Доғистон спорт вазири Сажид Сажидов.