Неймар Бразилиядаги табиий офатдан жабрланганларга ёрдам берди.
“Ал-Ҳилол” ҳужумчиси Рио Гранде-ду-Сул штатидаги сув тошқинидан жабр кўрган аҳолига сув, озиқ-овқат ва бошқа маҳсулотлар етказиб бериш учун шахсий самолётини жўнатган.
Неймар ўзининг ижтимоий тармоқларида ҳолатга бефарқ бўлмаган кишиларни табиий офат оқибатларини бартараф этишда иштирок этишга чақирди.
“Бразилия оғир дамларни бошдан кечирмоқда ва молиявий аҳволингиздан қатъи назар ёрдамингиз қадрли. Муҳими, юрагингизда нимани ҳис қилишингиз. Мен қилган ишларим ёки ёрдамим ҳақида ҳамма нарсани оммага тақдим қилишни ёқтирмайман, чунки буни қилганлар чин юракдан қилишади.
Ушбу пост одамларни янада кўпроқ ёрдам беришга илҳомлантириш учун мўлжалланган. Самолётим учувчилари ва ёрдамда иштирок этган барчага олдиндан миннатдорчилик билдираман. Мен шу ерда, узоқдан туриб, ҳаммаси ўз жойига қайтишини дуо қиламан... Отам қўлидан келган барча ёрдамни кўрсатмоқда”, — деб ёзади Неймар.
BBC расмийларга таяниб хабар беришича, сув тошқини туфайли Рио Гранде-ду-Сулнинг 150 мингга яқин аҳолиси уйларини тарк этишга мажбур бўлган. Камида 85 киши ҳалок бўлган, яна 130 киши бедарак йўқолган. Вазият шу ҳафта кучли ёмғирлар фонида ёмонлашиши кутилмоқда.
Изоҳ (0)