Dog‘istonlik murabbiy musobaqada mag‘lubiyatga uchragan shogirdini kaltakladi.
Voqea Orenburg viloyatida o‘tkazilgan kurash bo‘yicha Butunrossiya musobasida yuz bergan. “CHP Kavkaz” telegram kanalida murabbiyning bolani tepayotgani aks etgan video paydo bo‘ldi. Qayd etilishicha, jabrlanuvchi murabbiyning jiyani bo‘lgan.
Huquq-tartibot idoralari voqea tafsilotlarini o‘rganmoqda. Dog‘iston sport vaziri ushbu voqeaga izoh berdi.
“Bu o‘zini murabbiy sifatida sinab ko‘rishga qaror qilgan mulkdor bo‘lib, uning shogirdlari asosan o‘zining qarindoshlari va do‘stlarining farzandlari. U bundan avval ham mashg‘ulot va musobaqalarda bolalarga nisbatan xuddi shunday zo‘ravonlik harakatlarini qo‘llaganini eshitdim.
Sportchining mag‘lubiyatiga bunday munosabat bildirishga, kuch ishlatishga hech kimning haqqi yo‘q. Hatto, tarbiya maqsadida ham.
Uning ruhiy holatini tekshirish zarur. Huquq-tartibot idoralar allaqachon ushbu hodisa ustida ishlayotganini ma’lum qilmoqchiman. Bu odam boshqa hech qachon hech qanday sport zalida bolalar bilan ishlamaydi”, — deydi Dog‘iston sport vaziri Sajid Sajidov.
Izoh (0)