Лондоннинг “Челси” клуби ярим ҳимоячи Коул Палмерни 2023—2024 йилги мавсумдаги жамоанинг энг яхши футболчиси деб тан олди, дея хабар беради клуб расмий сайти.
Жорий мавсумда 21 ёшли Палмер “Челси” сафида барча турнирларда 45 та ўйинда қатнашиб, 26 та гол ва 13 та голли узатмани амалга оширди. Футболчи Англия Премьер Лигаси тарихида бир мавсумда 20 дан ортиқ гол урган учинчи ёш футболчига айланди.
Коул Палмер 2023 йилнинг кузида “Манчестер Сити”дан келиб “Челси”га қўшилган. Футболчининг трансфери лондонликларга 47 миллион еврога тушди. Футболчининг клуб билан амалдаги шартномаси 2030 йилнинг ёзига қадар амал қилади. Transfermarkt порталида келтирилган маълумотларга кўра, Палмернинг бозор қиймати 55 миллион еврони ташкил қилади.
Изоҳ (0)