“Челси” футболчиси Палмер жароҳатидан қутулди

“Арсенал”га қарши кечган баҳсда жароҳат сабаб қатнаша олмаган Палмер “Челси” машғулотларига қайтди.

Ярим ҳимоячи бутун мавсум давомида “Челси” сафида ажойиб мавсум ўтказмоқда. Футболчининг Премьер Лигадаги 20 та голи уни “Манчестер Сити” футболчиси Эрлинг Ҳоланд билан бирга тўпурарлар баҳсида пешқадамлик қилишини таъминлаб турибди.

Маурисио Почеттино Лондон клуби футболчиларига Палмер йўқлигида шунчаки бир кишилик жамоа эмаслигини кўрсатишга чақирган эди. Аммо жамоа ўз ўйинини кўрсата олмади. 
“Челси” шанба куни Вилла Паркда тўртинчи ўриндаги “Астон Вилла”га қарши яна бир катта қийин баҳсда иштирок этади. Палмер пайшанба куни машғулотларга қайтди ва у шанба кунги ўйингача тайёр бўлади. 

• Кристофер Нкунку ҳам жароҳатидан фориғ бўлди, бироқ Почеттинонинг таъкидлашича, футболчи шанба кунги баҳсларга тайёр бўла олмайди. 
• Ҳимоячи Рис Жеймс ҳам жароҳатидан тикланиш жараёнида, аммо унинг қачон сафга қайтиши маълум эмас. 

“Челси” ҳозирда Премьер Лигада 9-ўринни эгаллаб турибди ва ҳали ҳам еврокубокларда иштирок этиш имкони мавжуд.