Londonning “Chelsi” klubi yarim himoyachi Koul Palmerni 2023—2024-yilgi mavsumdagi jamoaning eng yaxshi futbolchisi deb tan oldi, deya xabar beradi klub rasmiy sayti.
Joriy mavsumda 21 yoshli Palmer “Chelsi” safida barcha turnirlarda 45 ta o‘yinda qatnashib, 26 ta gol va 13 ta golli uzatmani amalga oshirdi. Futbolchi Angliya Premyer Ligasi tarixida bir mavsumda 20 dan ortiq gol urgan uchinchi yosh futbolchiga aylandi.
Koul Palmer 2023-yilning kuzida “Manchester Siti”dan kelib “Chelsi”ga qo‘shilgan. Futbolchining transferi londonliklarga 47 million yevroga tushdi. Futbolchining klub bilan amaldagi shartnomasi 2030-yilning yoziga qadar amal qiladi. Transfermarkt portalida keltirilgan ma’lumotlarga ko‘ra, Palmerning bozor qiymati 55 million yevroni tashkil qiladi.
Izoh (0)