АҚШда Уолли лақабли аллигатор ғойиб бўлди. Унинг эгаси Жои Ҳенни таъкидлашича, уй ҳайвонига айланиб улгурган аллигатор Жоржия штатининг Брансуик шаҳрига саёҳат вақтида ўғирлаб кетилган. Йиртқич ҳайвон номаълум шахслар томонидан табиатга қўйиб юборилган, дея тахмин қилинмоқда, деб ёзади “Правила жизни” нашри.
Аллигатор Уолли ижтимоий тармоқларда хотиржам феъл-атворли уй ҳайвони сифатида ном олган. У эгасига депрессия ва саратон касаллигидан омон қолишда ёрдам берди. Уолли инсонлар билан қучоқлашишни яхши кўрарди.
Апрель ойи охирида Жои Ҳенни Facebook’даги “Уолли — инсонларни ҳиссий қўллаб-қувватлайдиган аллигатор” расмий гуруҳида пост қолдирди ва унда жонивор дўстини меҳмонга кетганида ўғирлаб кетишганини маълум қилди. Афсуски, қидирувлар ҳеч қандай натижа бермади.
Кейинроқ маълум бўлишича, АҚШ Табиий ресурслар вазирлиги ходимлари Уолли ва яна 20 та аллигаторни ботқоқликка қўйиб юборган. Тахминларга кўра, бу ҳодиса Уолли ўғирлаб кетилган куни содир бўлган. Жои бундан хабар топгач, дўстлари билан ботқоқликка етиб келди, аммо қидирувлар бефойда эди. Табиий ресурслар вазирлиги ходими Ҳеннига айтганидек, энди Уоллини топишнинг имкони йўқ.
Жои Ҳенни TikTok тармоғида мухлислардан унинг дўстини қайтариб беришларини йиғлаб сўраган видеони жойлаштирди. Аллигаторларни қутқариш бўйича GatorBoys ташкилоти Ҳеннига ёрдам беришга ваъда берди. GoFundMe платформасидагилар ҳам уни қўллаб-қувватлади.
Аллигатор Уолли ва Жои Ҳенни дўстлиги тарихи
Ов ва балиқчилик ҳақидаги шоунинг собиқ бошловчиси Жои Ҳенни 2015 йилда Уоллини асраб олди ва аллигаторга “Эмоционал ёрдам берувчи ҳайвон” (Emotional support animal) сифатида лицензия берди. Дастлаб ҳайвон кўп нарсадан қўрққан, сўнг тез орада унинг хатти-ҳаракати судралувчиларнинг одатий хатти-ҳаракатларидан фарқ қилишини пайқаган. Уолли қучоқлашишни, эгаси билан бирга вақт ўтказишни ва у билан бейсбол ўйинларига боришни яхши кўрарди.
2019 йилда Жоининг уч нафар оила аъзоси ва тўрт дўсти икки ҳафта ичида вафот этди. Аллигатор унга оғир депрессияни енгишга ёрдам берди. 2022 йилда унга простата саратони ташхиси қўйилганда ҳам Уолли орқали шифо топди. Аллигатор ҳақиқий уй ҳайвонидек эди, у ҳеч қачон атрофдагиларга тажовузкорлик қилмаган ва доим эгаси билан яхши муносабатда бўлган.
Изоҳ (0)