Япония ҳайвонот боғидаги пингвинларга мамлакатда ўқув йили бошланиши муносабати билан рюкзаклар тақиб қўйилди, деб ёзмоқда “Правила жизни” нашри.
Ижтимоий тармоқда жойланган мазкур видеога ҳайвонот боғи ходимлари “Баҳор тафтини сезмоқдамиз” деб изоҳ қолдирган. Чунки айнан апрель ойида япониялик мактаб ўқувчилари учун биринчи қўнғироқ жаранглайди.
Пингвинлар устидаги рюкзаклар енгил матодан ишланган ва қўлда тикилган бўлиб, ҳайвонлар юришига қийинчилик туғдирмайди.
Матсуэ қушлар боғида бундай тадбирлар турли байрамлар арафасида тез-тез бўлиб туради. Масалан, Янги йил ва Хеллоуинда пингвинлар байрамга мос либосларда пайдо бўлади.
Изоҳ (0)