“Уддабурон болалар”, “Ашерлар уйининг қулаши” каби фильмларда ёрқин роллари билан эсда қолган америкалик актриса Карла Гуджино янги фильмда бош рол — Вивиен Ли образини ижро этади. Фильм номи “Гулчи” (The florist) деб номланади. Бу ҳақда “Правила жизни” нашри хабар бермоқда.
Фото: Kinorium
Баёпик фильмдаги воқеалар 1960 йилларда бўлиб ўтади. Унда Вивиен Ли Бродвейда бўлиб ўтадиган Антон Чехов қаламига мансуб “Иванов” спектаклига тайёргарлиги ҳақида ҳикоя қилинади. Шунингдек, “Гулчи” фильмида актрисанинг Иккинчи жаҳон уруши қатнашчиси ва касби гулчи бўлган Жозеф Пенн билан муносабатлари ҳамда Вивиеннинг соғлиғи билан боғлиқ муаммолар ҳақида ҳам сўз боради.
Маълумки, “Шамолларда қолган ҳисларим” ва “Орзулар трамвайи” фильмлари учун “Оскар” мукофотини қўлга киритган Ли биполяр тушкунлик ва сил касаллигидан азият чеккан.
Менга Вивиен каби мураккаб, зиддиятларга тўла, аммо ўта жозибали аёл образини гавдалантириш имконияти берилганидан ғоят мамнунман. Сценарийни ўқишим биланоқ “Гулчи” фильми мен, албатта, отланишим керак бўлган ажойиб саёҳат бўлишини англадим, — деди Карла Гуджино.
Фильм режиссёри Ник Сандоу (“Оловранг — мавсум ҳити” ва “Америка маликаси”), сценарий муаллифи эса Жейс Барток (“Ширин тунлар”)дир.
Ушбу лойиҳада мени зиддиятларга бой ёрқин сценарий жалб қилди. Фильмда муҳаббат, психологик касаллик, машҳурлик чўққиси ва ҳақиқий санъат ҳақида сўз боради, — деди Гуджино.
Изоҳ (0)