Австралия мудофаа вазири Ричард Марлес яқин йилларда АҚШ ракета ишлаб чиқаришда ёрдам беришига умид қилмоқда.
“Умид қиламизки, икки йил ичида Австралияда ракеталар ишлаб чиқариш икки давлатимизнинг коллектив саноат базаси доирасида йўлга қўйилади”, — деди у Австралиядаги йиллик АUSMIN музокаралари якунлари бўйича.
Бундан ташқари, вазирнинг сўзларига кўра, Австралия “шимолий базалардаги Америка қўшинларининг сонини кўпайтириш, денгиз патруллари ва разведка самолётлари сонини ошириш, шунингдек, Америка ядровий сувости кемаларининг мамлакат ҳудудига ташрифлари сонини ошириш мажбуриятини олди”.
Аввалроқ АҚШ Сенати 2024 йил учун рекорд даражадаги 886 миллиард долларлик миллий мудофаани молиялаштириш тўғрисидаги қонунни маъқуллагани хабар қилинганди.
Изоҳ (0)