“Барселона” президенти Жоан Лапорта жамоа бошқарувида Хавини қолдириш қарорига изоҳ берди.
Жамоанинг ҳолатини яхшилаш бўйича баъзи ўзгаришлар бўлади. Барқарорлик — ҳар бир лойиҳанинг муваффақият қоидаси. Айниқса, бизнинг ҳолатда. Вазиятни таҳлил қилсак, бош мураббий доим “Барселона” учун жон куйдиради. Бизда ёш футболчилардан иборат жамоа бор ва жамоага барқарорлик керак. Хави — ёшлар учун намуна.
Директорлар кенгаши ушбу қарорни бир овоздан қўллаб-қувватлади. Учрашувда қатнашган ва Хави билан суҳбатлашганларнинг барчаси уни бу қарори билан табриклади.
Суперкубок ва Ла Лига алоҳида аҳамиятга эга, аммо ҳозир бу ҳақда ўйлаш қийин. Бу йил мақсадларимизга эриша олмадик, аммо бу келажакда янада фойдалироқ бўладиган лойиҳа учун жамоани жипслаштиради. Мухлислардан ушбу лойиҳага ишонишларини сўрайман, чунки бизни муваффақият кутмоқда, — дея Лапорта сўзларини келтиради Мундо Департиво.
Аввалроқ “Барселона” бош мураббийи Хави жамоада қолишини ва клуб билан шартномасини узайтиришини маълум қилганди. У январь ойидаги кетиш фикридан қайтганини айтиб ўтган.
Изоҳ (0)