“Барселона” бош мураббийи Хави жамоада қолиш қарори ҳақида гапириб ўтди.
“Биласизми, “Барселона”ни жуда ҳам яхши кўраман ва унга нимадир бера олиш учун бор кучим билан ҳаракат қиламан. Энг асосийси — клуб ҳақида ўйлаш. Президент билан суҳбатлашдим ва улар, раҳбарият томонидан менга катта ишонч билдирилаётганини ҳис қиляпман.
Бу лойиҳани давом эттиришим кераклигини ҳақидаги қарорни қабул қилишимда футболчилар муҳим рол ўйнади. Мухлислар ҳам қолишим кераклигини тушунишимга ёрдам берди. Ўзимга бўлган ишончим кучайди.
Январь ойида кетиш энг яхши қарор деб ўйлагандим. Энди эса вазиятга бошқача нигоҳ билан қараяпман. Ҳозир тўғри қарор қабул қилдим деб ўйлайман”, — айтиб ўтди “Барселона” бош мураббийи.
Эслатиб ўтамиз, Хави январь ойида каталонияликлар мураббийлик постини тарк этишини маълум қилганди. Бироқ раҳбарият мураббийни қолишга кўндирди ва у кетиш қарорини ўзгартирди.
Изоҳ (0)