U-23 Осиё Кубоги. Япония Қатарни мусобақадан чиқариб юборди, Индонезия пенальтилар сериясида Жанубий Кореядан устун келди

Футбол бўйича U-23 Осиё Кубоги чорак финалидан ўрин олган ўйинлар 25 апрель, пайшанба куни бўлиб ўтди.

Япония мусобақа мезбони Қатарга қарши баҳс олиб борди. Учрашувнинг 2-дақиқасида Ямада ҳисобни очди. 24-дақиқада Ар-Рави мувозанатни тиклади. 41-дақиқада Балидеҳ қизил карточка олиб, майдонни тарк этди. Қолган дақиқаларда Қатар бир киши кам бўлиб ҳаракат қиладиган бўлди. Биринчи бўлим дуранг натижа билан якунланди.

Иккинчи бўлим бошида Абдулсаллам қатарликларни ҳисобда олдинга олиб чиқди. 67-дақиқада Кимура ҳисобни тенглаштирди. Асосий бўлимлар дуранг билан якунланганидан сўнг жамоалар қўшимча бўлимларга мурожаат қилди. Қўшимча бўлимларда эса японлар яна 2 та гол урди. 101-дақиқада Ҳосоя Япониянинг 3-голига муаллифлик қилди. 113-дақиқада Учино учрашувга якуний нуқтани қўйди.

Шу тариқа Япония 4:2 ҳисобида ғалаба қозониб, ярим финал йўлланмасини қўлга киритди.

Яна бир чорак финал ўйинида Жанубий Корея Индонезияга қарши баҳс олиб борди. Асосий бўлимларда 2:2 ҳисоби қайд этилди. Қўшимча бўлимларда эса дарвозалар ишғол этилмади. Ғолиб номини аниқлаш учун пенальтилар сериясига мурожаат қилинди. 

Пенальтилар сериясида эса Индонезия 11:10 ҳисобида ғалаба қозониб, кейинги босқичга йўл олди.

Шу тариқа 25 апрель кунги баҳсларда Япония ҳамда Индонезия ярим финал йўлланмасини нақд қилган терма жамоаларга айланди.

U-23 Осиё Кубоги

Чорак финал

25 апрель, пайшанба

Қатар U-23 – Япония U-23 2:4

Голлар: Фуки Ямада (2), Аҳмад Ар-Рави (24), Жасим Габир (49), Сижи Кимура (67), Мао Ҳосоя (101), Котаро Учино (112).

Жанубий Корея U-23 – Индонезия U-23 2:2

Пенальтилар серияси: 10:11

Голлар: Рафаэл Струик (16), Тегу (45, автогол), Рафаэл Струик (45+3), Жонг Сан Бин (84).