Тожикистоннинг қимматбаҳо тошлар ва металлар экспорти 2024 йилнинг биринчи чорагида 298 миллион долларни ташкил этди. Бу ҳақда мамлакат статистика агентлигига таяниб AsiaPlus хабар берди.
Экспорт ҳажми 2023 йилнинг шу даврига нисбатан 1250,7 баробар кўпдир. Ушбу маҳсулотларнинг Тожикистон умумий экспортидаги улуши 48,5 фоизни ташкил этган. Умумий ҳисобда жорий йилнинг дастлабки уч ойида республикадан қарийб 614 миллион долларлик маҳсулот экспорт қилинган.
Тожикистон маҳсулотлари асосан Швейцарияга сотилган, тахминан 48,6 фоиз. Бу, эҳтимол, ушбу мамлакатга қимматбаҳо металл ва тошлар етказиб берилиши билан боғлиқ. Тожикистоннинг тегишли идораларидаги манбалар мигрантлардан пул ўтказмалари оқими сезиларли даражада камайганда, қимматбаҳо металлар, асосан, монетар олтин экспорти ортишини айтмоқда.
Олтин сотиш ва пул ўтказмалари оқими ўртасидаги боғлиқлик товар ва маҳсулотларни импорт қилиш учун валюта тақчиллиги билан изоҳланади. Жорий йилнинг биринчи чорагида умумий импорт ҳажми қарийб 1,5 миллиард долларни ташкил этди, бу эса экспортдан қарийб 2,5 баробар кўпдир.
Изоҳ (0)