Швейцария нодавлат ташкилоти (NT) Nestle камбағал мамлакатларда болалар овқатига шакар қўшаётгани юзасидан олиб борилаётган тадқиқотни якунлади. Бу ҳақда Anadolu хабар берди.
Ташкилот веб-сайтида эълон қилинган таҳлилга кўра, Бельгия лабораториясида синовдан ўтказилган Германия, Франция, Буюк Британия ва Швейцария ички бозоридаги чақалоқ сут маҳсулотлари намуналари таркибида шакар қўшилмаган.
Бангладеш, Ҳиндистон, Покистон, Жанубий Африка, Эфиопия ва Таиланд каби мамлакатлардан олинган намуналарда ҳар бир порция да 1,6 (0,05 оz) ва 6 грамм (0,21 оz) қўшилган шакар борлиги аниқланган. Жанубий Африкадан олинган бўтқа намунаси ҳар бир порция да 6 грамм шакарни ўз ичига олади, бу ҳар бир таом учун бир ярим куб шакарга тенг.
Бироқ Швейцарияда худди шу маҳсулотнинг қадоқларида шакар қўшилмагани қайд этилган.
NT Nestle компаниясида икки томонлама стандарт мавжудлигини айтиб, компанияни паст даромадли мамлакатлардаги чақалоқлар ва ёш болаларни шакарга қарам қилишда айблаган.
Nestle SFR’га берган баёнотида барча формулалар халқаро ва маҳаллий қонунларга, шу жумладан, қадоқлаш қоидаларига мос келишини айтган.
Nestle сифат, хавфсизлик ёки таъмга путур етказмасдан қўшилган шакарни янада камайтириш учун чақалоқ бўтқаларини такомиллаштирмоқда, — дейди компания.
Nestle дунёдаги энг йирик озиқ-овқат компанияси ва Швейцариядаги энг йирик саноат компанияси бўлиб, штаб-квартираси Вевейда жойлашган. Nestle Forbes Global 2000 га кўра, 2022 йилда 104,48 миллиард доллар пул айланмаси ва 10,29 миллиард доллар фойда билан дунёдаги энг йирик компаниялар орасида 47-ўринни эгаллайди.
Изоҳ (0)