АҚШ разведкаси Шимолий Корея чечак ва куйдирги каби хавфли касалликларни тарқатувчи микробли спрей ва ускуналар яратаётганини маълум қилди. Бу ҳақда The Sun хабар берди.
АҚШ Давлат департаментининг тегишли ҳисоботида КХДРнинг миллий даражада мақсадли ҳужумкор биологик қуроллар дастури борлиги қайд этилган. Бир қанча экспертлар бундай қуроллар ядро қуролидан ҳам хавфлироқ бўлиши мумкинлигини айтмоқда.
Шимолий Корея 1960 йиллардан буён ўз арсеналида биологик қуролларга эга, шунинг учун КХДР ядровий қуролдан кўра биологик қуролдан фойдаланиш эҳтимоли кўпроқ, — деб ёзади The Sun экспертларга таяниб.
Таъкидланишича, Шимолий Корея ушбу қуролларни оммавий ишлаб чиқариш, уларни ракета, дрон, самолёт ва пуркагичлар орқали тарқатишда саноат салоҳиятига эгалиги хавф туғдиради.
Ядровий дастурларни ядро ва ракета синовларининг муваффақияти билан кузатиш мумкин бўлса-да, микроблар етиштириш ёпиқ эшиклар ортида кўринмас бўлиб қолиши мумкин. Бундан ташқари, биологик қуролларни ишлаб чиқаришда ишлатиладиган ускуналар кўпинча қишлоқ хўжалигида икки томонлама мақсадга эга. Бу ташқи мониторинг ва текширишни деярли имконсиз қилади, — дейилади АҚШ Давлат департаменти ҳисоботида.
Изоҳ (0)