Тайван Ташқи ишлар вазирлиги ўз веб-сайтида АҚШ илтимосига кўра оролда биологик қурол ишлаб чиқариш бўйича лаборатория қурилгани ҳақидаги ОАВ хабарларини рад этди.
Аввалроқ Тайваннинг Lianhe Xinwyen нашри Тайван ҳукуматининг 23 июнь куни бўлиб ўтган махфий йиғилиши баённомасига асосланиб, АҚШ ҳукумати Тайван мудофаа департаментидан кейинчалик биологик қурол яратишда фойдаланиш учун вирусларни ишлаб чиқарувчи лаборатория қуришни сўрагани ҳақида хабар берган эди.
Хабарда айтилишича, гўёки Мудофаа вазирлиги вакили махфий учрашув чоғида департамент АҚШ сўровига кўра биологик қуролларни ишлаб чиқиш бўйича хавфсизлик даражаси 4 (BSL-4) бўлган лабораторияни қуриш бўйича дастлабки лойиҳани якунлаганини айтган.
“Ушбу ОАВ халқнинг ҳукуматга ва Тайван – АҚШ ҳамкорлигига ишончини сусайтириш мақсадида тасдиқланмаган манбаларга таянган ҳолда сохта маълумот тарқатаётгани биринчи марта эмас”, — дейилади Тайван Ташқи ишлар вазирлиги баёнотида.
Изоҳ (0)