Покистон армияси Афғонистон чегарасини кесиб ўтиш чоғида етти нафар қуролли шахс ҳалок бўлганини маълум қилди. Бу ҳақда Ааmаj News хабар берди.
Маълум қилинишича, чегара қўшинлари Шимолий Вазиристонда Афғонистон—Покистон чегарасини кесиб ўтишга уринган етти нафар шахсни йўқ қилган. Уларнинг катта миқдордаги қурол-яроғ ва портловчи моддалари мусодара қилинган. Покистон армияси ўз баёнотида “Толибон”дан ҳар доим ўз чегараларини тўғри бошқаришни сўрашини таъкидлади.
Покистон бу борада “Толибон”дан ўз масъулиятини адо этишини ва Афғонистон тупроғидан Покистонга қарши фойдаланишига йўл қўймаслигини кутган, — дейилади хабарда.
Покистон ва “Толибон” ўртасидаги чегарада тарангликни бартараф этиш бўйича сўнгги уч йилдаги саъй-ҳаракатлар муваффақиятсизликка учради. Покистон доимо Афғонистон муваққат ҳукуматини “Покистон Теҳрик-e-Толибон”га хавфсиз бошпана берганликда айблаб келади.
Изоҳ (0)