Исроил бош вазири Биньямин Нетаньяху Исроил армиясидан Эроннинг йирик ҳаво ҳужумига жавоб қайтариши мумкин бўлган нишонлар рўйхатини тайёрлашни сўради. Бу ҳақда исми ошкор этилмаган амалдорга таяниб, Тҳе Washington Post хабар берди.
Маълум бўлишича, Исроил “сигнал юбориши” мумкин бўлган, аммо қурбонлар келтирмайдиган вариантларни кўриб чиқмоқда. Бу вариантлар орасида Теҳрондаги объектга эҳтимолий зарба ёки киберҳужум ҳам мавжуд.
Ҳамма Исроил жавоб бериши керак деган фикрга қўшилади. Гап қандай жавоб бериш, қачон жавоб беришда, — дейди WP суҳбатдоши.
NBC Неwс телеканалига кўра, Исроил расмийларининг бир неча соат давом этган йиғилишида “бир қатор ҳарбий ва дипломатик вариантлар” муҳокама қилинган.
15 апрель кунги брифингда АҚШ Миллий хавфсизлик кенгаши спикери Жон Кирби президент маъмурияти иқтисодий босимни кучайтириш орқали Эронни янада халқаро яккаланишига эришиш устида ишлаётганини айтган.
Бу натижа. Кучли Исроил, заиф Эрон, ҳамкорларнинг янада жипслашган иттифоқи, — дея хулоса қилган Кирби.
Эрон 14 апрелга ўтар кечаси Исроилга 300 дан ортиқ дрон ва ракеталарни учиргач, АҚШ, Бирлашган Миллатлар Ташкилоти ҳамда Исроилнинг Европа ва Яқин Шарқ минтақаларидаги иттифоқчилари ҳар икки давлатни вазминликка чақирган.
Изоҳ (0)