АҚШ президенти Жо Байден ва рафиқаси Жилл Байден қўшма солиқ декларациясини эълон қилди. Оиланинг 2023 йилдаги даромади 619,9 минг долларни ташкил этди. Бу ҳақда Reuters хабар берди.
Тегишли суммадан 146,6 минг доллар федерал солиқларга тўланган. Даромад солиғи ставкаси 23,7 фоизни ташкил этган. Улар Делавер штатида солиққа 30 900 доллар ажратган, у ерда президент оилавий уйга эга. Жилл Байден Виржиния штатида 3500 доллар солиқ тўлаган. Бундан ташқари, жуфтлик 20,5 минг долларга яқин маблағни хайрия учун 17 та хайрия ташкилотига йўналтирган.
“Байден ва унинг рафиқаси ўз даромадларининг бешдан тўрт қисмини мос равишда АҚШ президенти ва Шимолий Виржиния муниципал коллежида ўқитувчи сифатидаги ишларидан олган. Шу тариқа Байден 400 минг доллар, рафиқаси эса инглиз тили ўқитувчиси сифатида 85 985 доллар ишлаб топган”.
Вице-президент Камала Ҳаррис ва унинг турмуш ўртоғи Дуглас Эмҳофф ҳам солиқ ҳужжатларини эълон қилди.
Уларнинг умумий даромади деярли 450,3 минг долларни ташкил этди. Шундан 88,5 минг доллардан ортиғи даромад солиғи сифатида тўланган. Бу кўрсаткич 19,7 фоизни ташкил этган. Улар Калифорния штатида 15 100 доллар солиқ тўлаган. Эмҳофф Колумбия округида солиқ учун 11,600 доллар сарфлаган. Эр-хотин 2023 йилда хайрия ишларига 23 минг доллар ажратган.
Изоҳ (0)