Ҳозирда G7 га раислик қилаётган Италия Исроилга ҳужум қилган Эронга қарши янги санкциялар жорий этишга тайёр. Бу ҳақда Италия ташқи ишлар вазири Антонио Тажани Reuters агентлигига берган интервьюсида маълум қилди.
ТИВ раҳбарининг сўзларига кўра, янги санкциялар Буюк Британия, Италия, Канада, Германия, АҚШ, Франция ва Японияни ўз ичига олган бутун G7 нинг қўллаб-қувватлашини талаб қилади. Шунингдек, у ҳар қандай янги чоралар мамлакатларга эмас, балки шахсларга қаратилган бўлиши кераклигини таклиф қилди.
Агар биз Исроилга аниқ қаршилик кўрсатадиган, масалан, терроризмни, ҲАМАСни қўллаб-қувватлаган шахсларга нисбатан кўпроқ санкциялар қўллашимиз зарур бўлса, буни амалга оширамиз, лекин биз жуда жиддий бўлишимиз ва биргаликда ҳаракат қилишимиз керак, деди Тажани.
Вазир Эрон ҳужумини Теҳрон учун “катта хато”, бироқ Исроил учун “ижобий” деб атади, чунки, унинг фикрича, бу ҳужум кўплаб дронлар ва ракеталарни уриб туширган Исроил ҳаво мудофаасининг самарадорлигини кўрсатди.
Аввалроқ 13 апрелдан 14 апрелга ўтар кечаси содир бўлган Эроннинг Исроилга қарши ҳужуми муносабати билан Италияда душанба куни бир қатор фавқулодда йиғилишлар ўтказилиши режалаштирилгани хабар қилинганди.
Изоҳ (0)