Россиядан 23 нафар Туркманистон фуқароси депортация қилинди. Бу ҳақда Тurkmen.news хабар берди.
Уларнинг саккиз нафари Домодедоводаги микрорайонда ишлаган, жумладан, онлайн хизмат кўрсатиш дўконларидан бирининг омборида ишлаб, ётоқхонасида яшаган. 25 март куни улар Crocus City Hallъдаги терактдан кейин ўтказилган рейдлар чоғида қўлга олинган. Кейинчалик депортация қилинган.
Айни пайтда оммавий ахборот воситалари Россияда миграция сиёсатининг турли даражада кучаяётгани ҳақида ёзмоқда. Хусусан, қонун лойиҳаси тайёрланган, унга кўра хорижликлар Россия операторларидан SIM карталарни фақат биометрик маълумотлардан фойдаланган ҳолда ва Давлат хизматлари порталида рўйхатдан ўтган тақдирда сотиб олишлари мумкин.
“Айни пайтда Туркманистоннинг айрим вилоятларида кетиш учун ҳужжатларни расмийлаштираётган меҳнат муҳожирларига Россияга чипта сотиш тўхтатилган”, — дейилади хабарда.
Россияда ноқонуний муҳожирларга қарши рейдлар Crocus City Hallъда уюштирилган терактда Тожикистон фуқаролари айбланаётгандан кейин кучайган. Сўнгги маълумотларга кўра, Crocusъдаги терактда 145 киши ҳалок бўлган, 550 дан ортиқ киши жароҳатланган, жавобгарликни ИШИД террорчилик ташкилоти ўз зиммасига олган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан “террорчилик ташкилоти” деб топилган.
Изоҳ (0)