Роналду трансферидан кейин “Ан-Насср” 5 та турнирда мағлуб бўлди

“Ан-Насср” Криштиану Роналду келганидан бери бешта турнирда ғалаба қозона олмади.

8 апрель санасида “Ан-Насср” Саудия Арабистони Суперкубоги ярим финал босқичида “Ал-Ҳилол”га имкониятни бой бериб (1:2) мусобақадан чиқиб кетди. Роналду бу ўйинда қизил карточка олди.

Бу Роналду келганидан кейин “Ан-Насср”нинг турнирлардаги бешинчи мағлубияти ҳисобланади.

Бу мавсумда жамоа аллақачон Осиё Чемпионлар Лигасидаги юришини тўхтатди, Саудия Арабистони чемпионатида эса пешқадам “Ал-Ҳилол”дан 12 очко ортда қолмоқда. Клуб ҳали ҳам Саудия Арабистони Қирол кубогини қўга киритиши мумкин, жамоа ярим финалда яна “Ал-Ҳилол” билан ўйнайди. Бу ўйин 1 май куни бўлиб ўтади.

Ўтган мавсумда “Ан-Насср” чемпионатда иккинчи ўринни эгаллади. Саудия Арабистони Суперкубогида жамоа ярим финалда “Ал-Иттиҳод”га (1:3) мағлуб бўлиб ўз юришини тўхтатди ва Қирол кубоги мусобақасида ярим финалида “Ал-Ваҳда”га имкониятни бой берган эди. 

Роналду трансферидан буён “Ан-Насср” битта совринни қўлга киритди – ўртоқлик турнири ҳисобланган Араб чемпионлари клублари кубоги.