Криштиану Роналду қизил карточка сабаб, 2 ўйинга четлатилиши мумкин

Криштиану Роналду четлатилгани ортидан камида 2 ўйинга дисквалификация қилиниши мумкин.

8 апрель санасида, Саудия Арабистони Суперкубоги доирасидаги “Ал-Ҳилол” — “Ан-Насср” (2:1) учрашувида Роналду қизил карточка олди.

Ҳодиса “Ал-Ҳилол” футболчиси Али Ал-Булайҳининг тўпни майдондан чиқариб юбориш жараёнида содир бўлди. Футболчи майдондан чиқиб кетган тўпни дарҳол эгаллаб олишга уринди, бироқ Роналду ўз вақтида етиб келди ва тўпни унинг қўлидан чиқариб олиб қўйди.

Натижада, Ал-Булайҳи ва Роналду ўртасида тушунмовчилик юзага келди. Футболчи Роналдунинг зарбасидан кейин майсага йиқилиб, португалиялик футболчи унинг юзига тирсак билан зарба берганини иддао қилди. Жамоалар футболчилари ўртасида тўқнашув келиб чиқди ва бош ҳакам Роналдуга қизил карточка кўрсатди.

Бунга жавобан португалиялик ҳакамга мушт туширмоқчидек ишора қилди, сўнг майдонни тарк этаётганда қарсак чалди.

“Ўйин бош ҳаками Муҳаммад Ал-Ҳувайш ҳисоботида Роналду “ортиқча куч” ишлатиб, рақибини тирсаги билан уриб, “тажовузкор” хатти-ҳаракатлар қилганини ёзди”, — деб хабар беради Ал Риядия.

Саудия Арабистони футбол федерацияси қоидаларига кўра, тажовузкор хатти-ҳаракатларга йўл қўйган футболчи икки ўйинга дисквалификация қилинади ва 20 минг риял миқдорида жаримага тортилади.