Қирғизистон президенти Садир Жапаров Қозоғистонга ташриф буюради. Бу ҳақда 24.kg хабар берди.
Жапаровнинг матбуот хизмати хабарига кўра, у 18—19 апрель кунлари расмий ташриф билан Қозоғистонда бўлади. Шу билан бирга, Қирғизистоннинг Қозоғистондаги элчиси Дастан Дюшекеев журналистларга ташриф доирасида икки давлат раҳбарлари Олий давлатлараро кенгаш йиғилишини ўтказишини маълум қилди. Томонлар икки томонлама ҳамкорликнинг долзарб масалаларини муҳокама қилади.
Бундан ташқари, Жапаров Қозоғистонда Қирғизистон киноси кунларининг очилиши ва бошқа қатор тадбирларда иштирок этади.
Аввалроқ Қозоғистон президенти Қосим-Жўмарт Тўқаев қирғизистонлик ҳамкасби билан телефон орқали мулоқоти чоғида сув тошқинлари муносабати билан кўрсатилаётган биродарлик ёрдами учун унга ва Қирғизистон халқига миннатдорлик билдирган эди.
Жумладан, Қирғизистон сув тошқинларидан жабрланган Қозоғистонга 300 тонна гуманитар ёрдам юборган. У кунгабоқар ёғи, шакар, гуруч, макарон ва қандолат маҳсулотлари, матраслар, кийим-кечак ва чодирларни ўз ичига олади.
Изоҳ (0)