Ижтимоий тармоқларда Қашқадарё вилояти она ва бола марказида ходимлар мажбурий меҳнатга жалб қилингани ҳақида мурожаат эълон қилинди. Вилоят ССБ ҳолатга изоҳ берди.
Мазкур мурожаат вилоят соғлиқни сақлаш бошқармаси назоратига олиниб, вилоят она ва бола марказида (аниқроғи, республика ихтисослаштирилган она ва бола саломатлиги илмий-амалий тиббиёт маркази Қашқадарё филиалида) ўтказилган умумий йиғилишда муҳокома қилинган. Унда вилоят соғлиқни сақлаш бошқармаси мутасаддилари, филиал маъмурияти ва касаба уюшмаси қўмитаси вакиллари ҳамда ишчи-ходимлари иштирок этган.
Йиғилишда сўзга чиққан филиал ходимлари ижтимоий тармоқда эълон қилинган мурожаат асоссиз эканлиги, муассасада ҳеч ким мажбурий меҳнатга жалб этилмаганини қайд этди. Мурожаатга илова қилинган видео 2024 йил 8 апрель куни тасвирга олингани, бу вақтда филиал ҳудудида асосан ободонлаштириш ходимлари гул кўчатлари эккани, филиалнинг айрим ходимлари бу жараённи кузатиш учун туришганини таъкидлади.
Изоҳ (0)