Тошкентнинг Яшнобод туманидаги 149-мактаб ўқитувчилари мажбурий меҳнатга жалб қилингани ҳақида хабар тарқалди. Тошкент шаҳар мактабгача ва мактаб таълими бошқармаси бунга муносабат билдирди.
Унда айтилишича, мактаб маъмурияти 2023/2024-ўқув йилига муносиб тайёргарлик кўриш, таълим муассасаси атрофини ободонлаштириш ва кўкаламзорлаштириш мақсадида ўқитувчилар билан келишган ҳолда 17 августда “Ободонлаштириш куни”ни уюштирган. Унда барча педагоглар ва техник ходимлар кўнгилли равишда фаол иштирок этиб, мактаб атрофини ораста ва саранжом-саришта бўлишига ўз ҳиссасини қўшган.
Афсуски, мактабда “Ободонлаштириш ойлиги” доирасида ташкил қилинган мазкур хайрли тадбир ижтимоий тармоқ саҳифаларида нотўғри талқин қилинган, холос, дейилади муносабатда.
Тошкент шаҳар мактабгача ва мактаб таълими бошқармаси бош вазирнинг 2023 йил 20 июлда ўтказилган видеоселектор йиғилишида берган топшириқларига мувофиқ, Мустақилликнинг 32 йиллигини кенг нишонлашга пухта тайёргарлик кўриш, ҳудудларни ободонлаштириш ва кўкаламзорлаштириш ишлари кўламини янада кенгайтириш, ижтимоий ва ишлаб чиқариш инфратузилмаларининг ҳолатини яхшилаш, “маҳалладан хонадонгача” тамойили асосида жорий йилнинг 30 июлдан 30 августига қадар “Ободонлаштириш ойлиги”ни ўтказиш белгиланганини ҳам эслатиб ўтган.
“Ободонлаштириш ойлиги” доирасида шаҳар маҳаллалари ҳудудларини ободонлаштириш, шаҳар ҳудудида тозалаш ишларини амалга ошириш, корхона ва ташкилотлар ҳудудларини, кўп квартирали уйларнинг, савдо объектларининг атрофини, бозорлар, магистрал кўчалар ва бошқа турдаги объектлар ҳудудларини обод қилиш кўзда тутилган.
Тошкент шаҳар Камбағалликни қисқартириш ва бандлик бош бошқармаси Давлат меҳнат инспекцияси ушбу мактабдаги ҳолатни ўз назоратга олганини, ўрганишлар натижаси ҳақида қўшимча ахборот берилишини маълум қилди.
Изоҳ (2)
ишга солишаяпт. Ўзлари ишлаб ризқ топаётган даргоҳни озодалигига, саранжом саришталигига ўзларининг озгина бўлса ҳам ҳиссаларини қўшсалар, буни нимаси ёмон. Озгина инсоф қилиш керак, азиз негативчилар.
Минг афсуски, ҳукуматнинг мажбурий меҳнатга қарши туриш позициясинидан айрим пашшадан фил ясовчилар оммада нотўғри фикр шаклланиши учун бор "имкониятларини"