Мексика, АҚШ, Канада, шунингдек, Тинч ва Атлантика океанларидаги баъзи оролларда Қуёшнинг тўлиқ тутилиши кузатилди. Бу ҳақда Euronews хабар берди.
Шимолий Америкадаги миллионлаб одамлар Қуёшнинг тўлиқ тутилишини кузатди. Мексиканинг Мазатлан шаҳрида мазкур ноёб ҳодисани биринчи бўлиб аҳоли ва сайёҳлар кўрди. Ой Қуёшни тўлиқ қоплади ва тўрт дақиқа давомида осмон қоронғилашди.
Кўриш қобилиятига зарар етказмаслик учун осмонга бу вақтда махсус ҳимоя кўзойнаги ёрдамида қараш керак. Америка, Марказий Америка ва Ғарбий Европада ҳам тутилиш фазаси қисман кузатилди.
Қуёшнинг тўлиқ тутилиши тадқиқот учун, хусусан, ушбу ҳодисанинг ионосферага таъсири ва телекоммуникация тизимларининг ишлашидаги эҳтимолий узилишларни ўрганиш учун ажойиб имкониятдир.
Кейинги тўлиқ тутилиш 2026 йил 12 августда содир бўлади ва шимолий ярим шарнинг катта ҳудудларини қамраб олади.
Изоҳ (0)