“Манчестер Юнайтед” бош мураббийи Эрик тен Ҳаг мавсум охирида инглиз клубини тарк этиши мумкин.
The Independent хабарига кўра, инглиз клуби раҳбарияти мавсум якунида голландиялик мутахассисни ишдан бўшатиши мумкин, бироқ бу юз фоиз аниқ эмаслиги қайд этилган.
Тен Ҳаг 2022 йилнинг ёзида Голландиянинг “Аякс” клубидан келиб “Манчестер Юнайтед” бош мураббийига айланди. Умумий олганда, 53 ёшли мутахассис барча турнирларда 104 учрашув ўтказиб, шундан 63 тасида жамоаси билан ғалаба қозонган, 12 тасида дуранг ўйнаган ва 29 тасида мағлубиятга учраган.
Эслатиб ўтамиз, “Манчестер Юнайтед” АПЛ турнир жадвалида олтинчи ўринни эгаллаб турибди. “Қизил иблислар” 30 ўйинда 48 очко жамғарган.
Изоҳ (0)