Дунёдаги энг бадавлат хонанда Рианна нафақат ўзининг ажойиб чиқишлари ва либослари, балки ҳашаматли уйларининг хилма-хиллиги билан ҳам ажралиб туради. У кўпинча уйининг фотосуратларини тармоқларга жойлаштириб боради. Қуйида Рианна турмуш ўртоғи А$AP Rocky ва икки фарзанди билан яшайдиган бир неча юз метр квадратли далаҳовлисини таништирамиз.
Хонанда ва рэпернинг мазкур уйи Беверли-Ҳиллсда жойлашган бўлиб, улар бастакор Пол Маккартни ва қўшиқчи Мерайя Кэрилар билан қўшни. Айтганча, Мерайя Кэри кўчмас мулкини асосан ижарага беради. Масалан, 2020 йилда хонанда Мадонна Кэрининг уйида истиқомат қилган.
Рианнанинг коттежи 1938 йилда ёзувчи Сидней Шелдоннинг қизи учун қурилган. Деярли бир аср давомида уй бир нечта реконструкцияни бошдан кечирган. Энг йирик таъмирлаш ишлари 2016 йилда уйнинг аввалги эгаси, бизнесмен Даниэль Старр томонидан ўтказилган.
2020 йилда у кўчмас мулкни 15 миллион долларга сотувга қўйди. Маълум вақтдан сўнг Рианна уйни яхши чегирма — 1,2 миллион долларга кам нархда сотиб олди.
Уйнинг ҳажми 22 минг квадрат футдан ошади. Ичкарида меҳмонхона, икки кишилик гараж, очиқ бассейнли СПА майдони, иккита терасса ва барбекю майдони мавжуд.
Бинонинг майдони 7,6 минг квадрат футни ташкил қилади. Унда каминли кенг меҳмонхона, бар, кутубхона, балконда очиқ спорт зали, еттита ҳаммом, тўртта меҳмонлар учун ётоқхона, ва Колд Уотер канёнига қарайдиган битта асосий ётоқхона мавжуд.
Интернет фойдаланувчиларни уйнинг сокин дизайни ҳайратда қолдирди. Нейтрал ранглар, мармар қопламалар, ортиқча безакциз интерьер буюмлари — буларнинг бари Рианна ва А$AP Rocky характерига умуман ўхшамайди. Ёрқин дизайни билан ажралиб турадиган ягона хона болалар хонасидир.
Рианнанинг бошқа шаҳарларда ҳам кўчмас мулклари бор. Хонанда Барбадосда вилласи ва Тhе Century осмонўпар биносида иккита квартирага эга. Рианна улардан бирини ўтган йилда 21 миллион долларга харид қилган эди.
Изоҳ (0)