Австрия ҳуқуқ-тартибот идоралари словакиялик ҳамкасблари билан ҳамкорликда 137 кг кокаинни мусодара қилиш бўйича операция ўтказди. Бу ҳақда Австрия ички ишлар вазирлиги матбуот-релизида қайд қилинди.
“Халқаро ва миллий тергов органларининг ҳамкорлиги туфайли терговчилар 137 кг кокаинни мусодара қилиш орқали тарихий муваффақиятга эришдилар”, — деди Австрия ички ишлар вазири Герхард Карнер.
Унга кўра, қора бозорда бу партиянинг қиймати 14 миллион еврога етиши мумкин.
Гамбург портидаги божхоначилар ёғоч материаллар солинган контейнерда кокаин топди. Юк Братиславага жўнатилган бўлиб, у Австрия фуқароси номига расмийлаштирилган бўлган. Австрия ва Словакия полициясининг қўшма операцияси натижасида Вена ва унинг атрофида яшовчи тўрт нафар Сербия фуқароси ҳамда уларнинг беш нафар шериги қўлга олинди, улардан тўрт нафари ҳам Болқон республикаси паспортига эга.
Шунингдек, ҳуқуқ-тартибот идоралари Австрия пойтахтидан бир неча ўнлаб километр узоқликдаги Коттингбрунн қишлоғида яширин лаборатория мавжудлигини ҳам аниқлаган.
Изоҳ (0)