Икки вазн тоифасида UFC собиқ чемпиони Конор Макгрегор фаолиятини қачон якунлаши ҳақидаги саволларга жавоб берди.
“Балки, ҳеч қачон фаолиятимни якунламасман. Ўлгунга қадар жанг қилмоқчиман. Мени ерга қўйишганидан сўнг тўхташим мумкин. Албатта, мен 40 ёшимда 19 ёшли вундеркиндлар сингари жанг қилмоқчимасман. Лекин ҳар доим менга чақириқ ташловчилар бўлиши, табиий.
Менинг жанг тарихимга боқинг — биз трилогиялар, реваншлар ва янги жанглар ташкил қилишимиз мумкин. У йигитлар мен билан тенгдош. Агар томошабинларга бу қизиқ бўлса, нега энди қилмаслик керак?
Сўнгги нафасимгача бу спорт билан шуғулланмоқчиман”, — дейди Макгрегор.
Эслатиб ўтамиз, Макгрегор сўнгги жангини 2021 йил июль ойи Дастин Порьега қарши ўтказиб, оёғини синдириб олганди. Порье техник нокаут эвазига ғалаба қозонган эди.
Изоҳ (0)