ChatGPT иловасидан ҳафталик фойдаланувчилар сони 700 миллион нафарга яқинлашди, компания бу “маррани” шу ҳафтада забт этмоқчи. Бу ҳақда TechCrunch нашри хабар қилди.
“Ҳар куни одамлар ва жамоалар қийинроқ муаммоларни ўрганмоқда, яратмоқда ва ҳал қилмоқда. Катта ҳафта олдинда”, деган илова раҳбари Ник Турли.
Аввалроқ, жорий йилнинг март ойида чат-бот иловасининг ҳафталик фойдаланувчилари сони 500 миллион нафарга етган эди. Шунингдек, илова ўтган йилга қараганда қарийб 4 баробарга ўсган.
OpenAI март ойида GPT-4 модели билан таъминланган такомиллаштирилган тасвир яратиш функциясини ишга туширгандан сўнг илова машҳурлиги янада ошди. Шундан сўнг, бир ой ичида ушбу функция орқали 130 миллиондан ортиқ фойдаланувчи 700 миллиондан ортиқ расмларни дастурда ишлади.
Бундан ташқари, ушбу сунъий онгдан пулли фойдаланувчилар сони ҳам ошиб, 5 миллионга етган.
Таъкидлаш жоиз, 2025 йилнинг 1-ярмида фойдаланувчилар иловада кунига ўртача 16 дақиқа вақт сарфлаган.
Изоҳ (0)