АҚШ Федерал захира тизими томонидан ўтказилган тадқиқотга кўра, 2023 йил охирига кўра америкаликларнинг энг бадавлат 1 фоизининг бойлиги фонд бозорининг ўсиши туфайли рекорд даражадаги 44,6 триллион долларга етди.
Федерал захира ҳисоб-китобларига кўра, АҚШ фуқароларининг энг бадавлат 1 фоизига жами бойлиги 11 миллион доллардан ошганлар киради. 2023 йилнинг тўртинчи чорагида улар жами 2 триллион долларга бойишди. Бундай ўсиш уларга тегишли бўлган акциялар нархи ошишидан келиб чиққан. Компаниялар акцияларининг қиймати ва улар эгалик қиладиган инвестиция фондлари учинчи чорак охиридаги 17,65 триллион доллардан 19,7 триллион долларга кўтарилди.
2020 йил бошидан бери АҚШнинг энг бадавлат аҳолисининг бойлиги жами 49 фоизга ошди. Шу билан бирга, ўрта синф вакилларининг активлари ҳам 50 фоизга ўсган.
“Қимматли қоғозлар бозоридаги пойга истеъмолчилар ишончини қозониш ва умумий иқтисодий ўсиш учун кучли ижобий омил ҳисобланади”, — деди Moody’s Analytics катта иқтисодчиси Марк Занди.
Федерал захира тизими ҳисоб-китобларига кўра, энг бой америкаликларнинг 10 фоизи хусусий акцияларнинг 87 фоизига эгалик қилади.
Изоҳ (0)