Халқаро олимпия қўмитаси (ХОҚ) Парижда жорий йилнинг 26 июлидан 11 августига қадар бўлиб ўтадиган Олимпиада ўйинларида гендер тенглигига эришилишини таъкидлади. Бу ҳақда Euronews хабар берди.
Бироқ, айрим спорт турларида тенглик кузатилмайди. Масалан, кураш билан эркаклар шуғулланса, бадиий гимнастикага эса фақат аёллар қатнашади. ХОҚ мусобақанинг айрим турларига ўзгартиришлар киритган. Илгари фақат эркаклар иштирок этган 50 километрлик юриш энди аралаш эстафета сифатида ўтказилади.
Канаданинг Брок университети вакили Мишел Доннеллининг сўзларига кўра, фақат рақамлар орқали тўлиқ тасвирни кўришнинг имкони йўқ.
“Паритет” “тенглик” билан бир хил эмас. Паритет бу рақамли тенглик. Гап рақамлар ҳақида. Бу спортчилар сони билан чекланган. Тенглик эса эркаклар ва аёллар нафақат бир хил миқдордаги имкониятларга, балки иштирок этишнинг бир хил шартларига эга эканлигини билдиради. Булар пойгалар давомийлиги, ҳажми ва вазни, шунингдек, мусобақаларда жиҳозларнинг жойлашишидаги фарқларни ўз ичига олиши мумкин. Биз ҳозирча гендер тенглигига эришганимиз йўқ, — дейди Доннелли.
ХОҚ асосчиси Барон Пер де Кубертен 1896 йилда аёлларга биринчи замонавий Олимпия ўйинларида қатнашишни тақиқлаган. 1900 йилда аёллар спортининг беш турида атиги 22 нафар аёл қатнашган бўлса, 975 нафар эркак енгил атлетикадан тортиб эшкак эшишгача бўлган спорт турлари бўйича қатнашган.
1952 йилгача аёллар иштироки 10 фоиздан ошмаган. Фақат 2014 йилда ХОҚ ўз мақсадлари қаторига тўлиқ гендер тенглигини киритган эди.
Изоҳ (0)