Ўзбекистоннинг Қатардаги элчиси Ашраф Хўжаев Қатарнинг Education Above All жамғармаси бош ижрочи директори Фаҳад Ал-Сулайтий билан музокара ўтказди. Бу ҳақда “Дунё” АА хабар бермоқда.
Маълум қилинишича, учрашув чоғида Ўзбекистон ва Қатар ўртасида таълим соҳасида кенг кўламли ҳамкорлик алоқаларини янада ривожлантириш масалалари муҳокама қилинган.
Томонлар Ўзбекистоннинг тегишли ташкилотлари ва Education Above All жамғармаси ўртасида ҳамкорлик меморандумларини имзолаш муҳимлигини таъкидлаган.
Музокаралар якунида Ўзбекистонда “яшил” таълим, иқлим ўзгариши, инклюзив таълим каби ижтимоий лойиҳаларни биргаликда амалга ошириш тўғрисида келишиб олинган.
Изоҳ (0)