Ўзбекистонда умра зиёратини ташкил этиш учун лицензия жорий қилинмоқда. Бу ҳақда ЎзА хабар берди.
Маълум қилинишича, умра зиёратини ҳуқуқий жиҳатдан тартибга солиш, зиёратчиларнинг ҳақ-ҳуқуқларини таъминлаш мақсадида бундай тадбирни ташкил этиш ва ўтказиш учун лицензия жорий қилинмоқда.
Олий Мажлис Қонунчилик палатасида “Лицензиялаш, рухсат бериш ва хабардор қилиш тартиб-таомиллари тўғрисида”ги қонунга ўзгартириш ва қўшимчалар киритиш ҳақида”ги қонун лойиҳаси муҳокама қилинди. Депутатлар мазкур қонун лойиҳасининг зарурлигини эътиборга олиб, уни такомиллаштириш бўйича партия позициясидан келиб чиққан ҳолда ўз фикр-мулоҳазаларини, таклифларини билдирди.
Қонун ташаббускорлари берилган таклифлар асосли эканлигини айтиб, улар лойиҳани пишиқ-пухта ҳолатга келтиришда инобатга олинишини маълум қилди. Қизғин муҳокамалар, савол-жавоблардан сўнг қонун лойиҳаси қўллаб-қувватланди.
Изоҳ (0)