Ўзбекистонда 2023 йилда коррупцияга оид жиноят ишлари ўтган йилгига нисбатан 11 фоизга камайгани маълум қилинди.
Келтирилишича, ўтган йили Республика бўйича жами 6 535 нафар шахс (2022 йилда 7 414 нафар) коррупцияга оид жиноятлар учун жиноий жавобгарликка тортилган бўлиб, 2022 йилга нисбатан жавобгарликка тортилганлар сони 879 нафарга ёки 12 фоизга камайган.
Жавобгарликка тортилган 6 535 нафар шахснинг 1 076 (1482) нафари ёки 16,4 фоизи (20 фоизи) озодликдан маҳрум этилган. Энг кўп содир этилган коррупцияга оид жиноятлар:
- ўзлаштириш ёки растрата йўли билан талон-торож қилиш — 2 067 (2 145);
- пора бериш — 894 (1 061);
- фирибгарлик — 769 (937);
- пора олиш — 121 (155);
- ҳокимият ёки мансаб ваколатини суиистеъмол қилиш — 125 (117) ҳисобланади.
Шунингдек, 2023 йилда коррупцияга оид жиноят содир этган шахслар сони Андижон 971(913), Сирдарё 472(459), Сурхондарё 332 (302) вилоятларида ошган.
Изоҳ (0)