Ота-онаси ўзбекистонлик бўлган Илья Малинин фигурали учиш бўйича жаҳон рекордини ўрнатди

Америкалик фигурали учувчи Илья Малинин эркин дастурда жаҳон рекордини янгилаб (227,79 балл), жаҳон чемпионига айланди.

Илья Малинин бир неча бор Ўзбекистон чемпиони бўлган фигурали учувчилар Татьяна Малинина ва Роман Скорняков оиласида туғилган.

Америкалик фигурали учувчи Илья Малинин эркин дастурда жаҳон рекордини янгилади ва жаҳон чемпиони бўлди.

Канадада ўтган жаҳон чемпионатида Малинин тўртта айланали сакрашни олти марта амалга оширди: аввал тўртлик аксел, кейин уч марта якка тўртлик (луц, риттбергер, салхов) сакрашларини амалга оширди.

Унинг эркин дастурдаги муваффақияти ҳакамлар томонидан 227,79 баллга баҳоланди ва бу янги жаҳон рекорди бўлди.

“Менинг миямда бир оз овоз бор эди: нима бўлишидан қатъий назар, сиз курашишда давом этишингиз керак, ўзингизни қанчалик ёмон ҳис қилсангиз ҳам, қобилиятингизга шубҳа қилмаслигингиз керак”, — деди Малинин ғалабадан сўнг.

Илья Малинин 2004 йилда АҚШнинг Виржиния штатида ўзбекистонликлар оиласида туғилган. 

Татьяна Малинина – 1999 йилда ўтказилган илк тўрт қитъа чемпионати ғолиби, ўша йилги Гран-при финали ғолиби, 10 карра Ўзбекистон чемпиони (1993–2002), 2002 йилги Қишки олимпиада иштирокчиси ҳисобланади.

Роман Скорняков – икки карра Ўзбекистон чемпиони (1997, 2003), 1998 ва 2002 йилларда Қишки олимпиадада Ўзбекистон шарафини ҳимоя қилган.