Баҳодир Жалолов янгиланган WBC рейтингида кўтарилди, Мирзахалилов илк бор рўйхатга киритилди

WBC март ойи учун янгиланган рейтингни эълон қилди.

Унга кўра, Баҳодир Жалолов 1 поғона юқорилаб, 12-ўринга жойлашди. Миразизбек Мирзахалилов илк бор мазкур рейтингга киритилди.

Шу тариқа, рейтингдан 8 нафар ўзбекистонлик боксчи ўрин олди:

Супер оғир вазн: Баҳодир Жалолов ўтган ойдан 1 поғона кўтарилди ва 12-ўринга жойлашди;

Супер ўрта вазн тоифаси (76,2 кг): Бектемир Мелиқўзиев бир поғона пастлади ва 13-ўринга жойлашди;

Ярим ўрта вазн (66,6 кг): Шаҳрам Ғиёсов ўтган ойдан икки поғона юқорилаб, 12-ўринни эгаллади;

Ярим ўрта вазн (66,6 кг): Жаҳонгир Расулов ўтган ойдаги каби 32-ўринни банд этди;

Биринчи ярим енгил вазн (55,3 кг): Муроджон Аҳмадалиев бир поғона пастлади ва 4-ўринни эгаллади;

Биринчи ярим енгил вазн (55,3 кг): Миразизбек Мирзахалилов илк бор рейтингдан жой олди ва 27-ўринни банд этди;

Енгил вазн (50,82 кг) Олимжон Назаров 2 поғона юқорилаб, 32-ўринга жойлаштирилди;

Биринчи ўта енгил вазн (47,6 кг): Ҳасанбой Дўсматовда ўзгариш йўқ — 5-ўрин.