Футбол бўйича Ўзбекистон терма жамоаси ЖЧ—2026 саралаши доирасида Гонгконгга қарши баҳс олиб боради. Учрашув 26 март куни “Бунёдкор” стадионида бўлиб ўтади.
Ўйин олдидан Ўзбекистон терма жамоаси ёрдамчи мураббийи Владо Радманович ва футболчи Азизбек Турғунбоев матбуот анжуманида иштирок этди.
-BucOwVM2.jpg)
Биз барчамиз терма жамоага ишонамиз, бутун ўзбек халқи ҳам жамоага ишонади. Эртага керакли натижа учун қўлимиздан келган барча ишни амалга оширишга ҳаракат қиламиз.
Биринчи ўйинда яхши ўйин кўрсата олдик, умид қиламанки, эртага ҳам ғалаба қозонамиз.
Биз рақибларимизни ҳурмат қиламиз. Хавотир йўқ, лекин беписандлик билан ёндашишимиз ҳам мумкинмас.
Бизда қисқа муддат ичида бир жамоага қарши ўйнаш тажрибаси бўлмаганди. Лекин мотивацияга боғлиқ ҳаммаси. Бироқ мотивация керагидан ортиқ бўлса қўшимча босим ҳам бўлиши мумкин. Меъёрида керак бўлади.
Албатта, биз Катанес билан доимий алоқадамиз. Кетишидан олдин ҳам ўйинни ташкил этиш юзасидан гаплашиб олгандик. Эртага ҳам тўлиқ алоқада бўлиб, маслаҳатлашиб турамиз.
4 та ҳимоячи ёки 5 та ҳимоячи билан ўйнашда қанот футболчиларининг функцияси бир оз бошқачароқ. Бизнинг режага кўра, Азиз ҳимояда ҳам, ҳужумда ҳам, ярим ҳимояда ҳам фаол иштирок этади.
Эртага бош мураббий билан қандай тактикада ўйнаш ҳақида гаплашиб оламиз.
Владо Радманович, Ўзбекистон терма жамоаси ёрдамчи мураббийи
Эртага ажойиб баҳс кутиб турибди. Легионерлар ҳам таркибда, тўлиқ машғулотлар олиб бормоқдамиз. Ғалаба қозониб, муҳим очколарни қўлга киритишни мақсад қилганмиз.
Терма жамоада мураббий айтган жойда ўйнаш керак. Кўпроқ ярим ҳимояда ўйнаб ҳужумга қўшилишни ёқтираман. Бироқ бу позицияда ҳам ўзимни қулай ҳис қиляпман.
Болаларда чарчоқ аломати сезилмаяпти. Ҳамманинг ҳолати яхши, биз тикланиш машғулотларини ўтказиб улгурдик. Учрашувга тайёрмиз.
Азизбек Турғунбоев, Ўзбекистон терма жамоаси футболчиси
Эслатиб ўтамиз, Ўзбекистон ва Гонгконг ўртасидаги учрашув 26 март куни 19:30 да старт олади.
Изоҳ (0)