НАТОнинг Норвегияда ўтказган йирик Nordic Response машғулотлари мамлакат аҳолисига 750 минг долларгача зарар етказди. Бу ҳақда Норвегия Қуролли кучлари (FOH) баёнотига таяниб, Forsvarets forum хабар берди.
Мудофаа ҳисоб-китобларига кўра, машғулотлардан саккиз миллионгача одам зарар кўрган. Норвегиядаги НАТО Nordic Response аллақачон аҳолига 750 минг долларгача зарар етказди, — дея таъкидлаган FOH атроф-муҳитни муҳофаза қилиш бўйича штаб ходими Марианна Бе.
Машғулотлар якунлангач, одамлар НАТО аскарлари қолдирган вайронагарчиликлардан оммавий равишда шикоят қила бошлаган. Маҳаллий аҳолининг сўзларига кўра, улар тўсиқлар ва автомобилларга зарар етказган. Бинолар ҳам шикастланган.
Норвегия бошчилигидаги НАТОнинг Nordic Response 2024 машғулотлари 4 март куни бошланган эди. Унда 14 давлатдан 20 мингга яқин ҳарбий хизматчи қатнашган. Финляндиядан 4100 нафарга яқин ҳарбий иштирок этган. Nordic Response — Шимолий Атлантика альянсининг кенг миқёсдаги Stadfast Defender машқларининг бир қисми. Машғулотларга 50 дан ортиқ кемалар, жумладан, фрегатлар ва сувости кемалари, 100 дан ортиқ қирувчи самолёт, вертолёт ва дронлар ҳам жалб этилган.
Ҳозирда уларнинг барчаси мамлакатни тарк этган.
Изоҳ (0)